موضوع للنقاش ( العلاقات في ليبيا و مفهوم الصداقة)

سامحني يا خوي ديدو اني مش معاك في قصة ان البنات مصلحجيات حتي الاولاد هكي بدات لو كان بوها عنده فلوس بس يكلم في 10 غيرها
و بعدين العلاقات بين الراجل و المراة في ليبيا ما تنجحش لان احني شعب متخلف كل يوم انديتروا للخلف
مشكور و منور هلبة

اوكي يا ملكه معاك حتا الولاد لاكن قديمه متع الولد مداير هلب بنات توا صار العكس
بعتالي الموضوع هذا لي النقاش مش لي المرور

لكن يا ديدو صوابع إيديك مش زي بعضها في هكي و هكي و بعدين صح انها قديمة الولد يكلم اكتر من بنت و الحركات هيا بس مستمرة قاعدين يستعملوا فيه هادا الاسلوب

و حاضر حنتناقشوا فيه

انت شوفي البنات الي بحداك لما يجو ولاد ويناشبوهم كيف النظره تكون امتا الولد عنده سيارة ولا الولد الي عليه رجليه وتو تعرفي كيف ولت مصالح من ناحية البنات

مش ضدك اني لكن صوابع ايديك مش زي بعض
متلا اني و أعوذ بالله من كلمة اني مهمونيش الفلوس لانه يوم ليك و يوم عليك
و بعدين الفلوس مش كل شيء

ممكن هذا عندك وعند 10% من بنات ليبيا
لاكن الباقي هكي تفكيرهم

عندك حق الاكترية هكي المهم ربي يهدي و يكون في صداقة و حب صادق مش مبني علي المصالح

ان شاء الله

صح يا ديدو انى معاك فى الكلام هلبة بنات يشوفو للولد من مظهرها يعنى كان راكب سيارة فخمة والشعر يلمع بالكريمة والصنة تفحفح تلقاهم كلهم فى جرتا وكان يشوفو ولد عاقل خاطم ولابس سروال عادى وفانيليا عادية وعيونا فى الوطا يقعدو يضحكو عليه ويتهزو
بس زى ما قالت ملكة مش كلهم زى بعضهم
وحتى الاولاد نفس الشى يشبحو بنت طارحة وفاتحة شعرها يبدو يجرو فى جرته جرى وكان شافو بنت لابسة عبايا ووشاح يقعدو يقولولها خير يا حاجة والتعليقات الزايدة
بس الاكيد كلهم مش زى بعض
وربى يهدى الجميع

صح كلامك يا افريل
و المشكلة انه احني منفكروش في التطور من جميع الجوانب لا كل يوم للخلف و للاسف

المشكلة في العلاقات أنها أنا يقعد أحد الطرفين صادق والاخر يلعب ...... فهكي تنعدم الثقة في العلاقات .......أما في موضوع السطحية فإنها في الاثنين عند الشباب والبنات....... المفروض نحنا الجيل الجديد معاش يفكر بالسطحية هذي ...... ويفكر بعمق شوية ..... ويحاول يحدد مشاعره إذا كانت صداقة أم علاقة ......؟