شد اجنابك من الضحك

مساء الخير
نكت ليبية قوية
اضحك للدنيا ياحبيبى الدنيا تضحكلك

1 -واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية

2 -في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه

3 -في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية

4 -في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

5 -في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها

6 -فى مرة واحد طلعلا المارد قاله اطلب شنى تبى مشى قاله نبيك تبنيلى كوبرى من ليبيا الى امريكا مشى قاله تى شنى هدا اطلب حاجة تانية مشى قاله باهى نبى الاتحاد يربح الاهلى مشى قاله كيف قوتلى تبيه الكوبرى مشى بس ولا مشى وجى (اهداء لكريستيانو)

7 -) في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

8 -في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

9 -في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة

10 -واحد قفاص طاحو فلوسا من فوق الحيط مشى نزل يجرى وراهم ملقاهمش (علااااااااش) نزل قبلهم

ان شاء الله غار عجبوكم

ههههههههههههههههههههههههههههه
تي والله منوره

ههههههههههههههههههههه

ههههههه حلوات تسلمي هلبة زيدينا منهم Laughing

ههههههههههههههههههههههههههههه

هههههههههههههه حلوات
لاكن الجمله هذي (( نبى الاتحاد يربح الاهلى )) قلبتيها قصدك يبي الاهلي يربح الاتحاد لانه الاهلي ما ربح الاتحاد من 8 سنين وممكن اكتر هههههههههههههههه

ههههههههههههههههههههه
خليك مع الحق اما اكتر رابحين الاتحاد ولا الاهلى

اكيد الاتحاد

هههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههههههههههه
قوية بجديات ...قداش ليا معش اسمعت نكت ليبية

ههههههههههههههههههههه
الاهلى طبعا Laughing

منورة يا إفريل علي النكت الحلوة
شكرا ليك و لكل من يشجع الإتحاد

مشكورة ع النكت
وانا مع الاتحاااااااااااااااااااااااااااااااااااااااااااااااااااااااااااااااااااااااااااااااااااااااااد
احمر تيحى حني