امثال شــــــــــــــــــــعبية طرابلسية

حوت ياكل حوت وقليل الجهد يموت
مركب فيها زوز رياس تغرق

تعاركو الارياح جى الكيد ع الصارى

مات البحر وصلى عليه الحوت

نسمة من قراجيم الحوت

وين احتجتلك ياوجهى خبشوك القطاطيس
الربيع من فم الباب يبان

اللى يخونها ذراعها تقول انى مسحورة

ما ابهاك يا مرت بوى الاوله تضربنى -- وتعطينى ناكل

يا مزوق من بره شنو حالك من داخل شينه وعيافه وغوله و خوافه

قبل الحج كان طيب بعد الحج صار حنش ينيب

على قد بساطك مد رجليك
اللى ما تعرفش ترقص اتقول الوطا عوجة

من معرفته في القاضي، سلم على شيخ اليهود

من قبل يازين ما ابهاه == لا بين سلو عموده

شكارة العروسة امها وخالتها و10 من قبيلتها

لا تدير ديرهم .... و لا تنهاهم على ما يديرو

أصبر على جار السو يا يرحل يا تجيه مصيبة

الأصحاب في الوسع ياما منهم و في الضيق ماتلقاش واحد منهم

السنون بيض والقلب مريض

البقرة لا طاحت يكثروا سكاكينها
خانب وفى ايده شمعه

دير روحك مهبول يخافو منك الناس

اللى اديره العمشة ياكلوه صغارها

قاله يابوى امتا انولو شرفاء قاله امتا يموتوا كبار الحومه.

فيه اللى كلمته فى فمه وفيه اللى كلمته عند امه

كلام البكوش فى صدره

كل سفرة اتعلمك احداقة

المتغطى بالايام عريان

اقلب الطنجرة على فمها تطلع البنت لا امها

ضربة بالفاس ولا عشرة بالقادومة

قاله يافرعون شنى فرعنك قاله مالقيت حد ردني..

كل يد تمسح علي وجهها

فيه اللى يشتهيه وفيه اللى يلعب بيه

في النهار اتطوف وفي الليل تغزل الصوف