بنات جامعة الفاتح ( موضوع ملخبط ومش حيكون مرتب كويس لكن تحملوني )مش عارف بمن نبدأ ببنات القانون العلوم الزراعة الطب الفنون الهندسة الطب الصيدلة الدراسات
مش حنتكلم على البنات الى مدايرين روحهم متبعين الموضة باللبس او المكياج
(او جماعة الروك او الغوثيك )
هما تامة الدوة فيهم من زمان وعليهم (كرس بالطرطاري ) لكن حنتكلم على الى نشوفوا فيهم محترمات وعلى اساس انهم محترمات سواء متحجبات او لا ......
النوعية هذه الى تشوفها للاول مرة تحترمها في نفسك لاكثرة احترامها واخلاقها تنصدم لما لقاها مع واحد في خن او تركينا بروحهم (على اساس بروحهم ) او تلاقهم لابدين في امكان هالله هالله عليها والاحرف من هكي الى تلقاها راكبة معاه في السيارة ...
شن معناها وشن حنفكر او انت حتفكر لما تشوف واحدة انت مدايرها قمة في الاخلاق والادب مع واحد في السيارة تضحك وتلعب هي وهو والناس قدامهم مش مدايرين اي اعتبار (( فنحن هنا )) المشكلة في الى نعرفهم وبنات عيلة وناس .....
سألني صاحبي مرة / ليش البنات لما يشوفوا واحد عنده فلوس ايقولوا اه هذا معبي وعنده فلوس ويقعدوا ايشوفوله ؟
ليش البنات لما يشوفوا واحد شكله امور وحليوة ايقولوا اه هذا قنين ويشبه ويشبه ويقعدوا ايشوفوله ؟
ليش البنات لما يشوفوا واحد شعبوط شعبوط ويقولوا جوه مش عادي ويقعدوا ايشوفوله ويهدرزوا معاه ؟
وليش لما يشوفوا ولد محترم في نفسه وعلى حاله ( ما ايقولوش ) ولا يشوفوله حتى بنص عين ؟
ما قدرتش انجاوبه الا لان بنات ليبيا ( تافهات وزي بعض وعقلهم فاضي ) معليشي مش كلكم ...
انولوا لصحابنا الى يتحابوا في ممرات الزراعة والهندسة وفي خفايا العلوم ووراء الهندسة(( تي شن تحسابونا عمي ))
وخصوصا الى يقعدوا في السيارة لمدة مرات اكثر من ساعة على اقل تقدير صدقوني لو ان الى معاها محترمها ومعجب بها او يحبها بجديات والله ما يرضى فيها هذا بعدين كيف تطيح من قدرها وتركب معاه في السيارة وبروحهم(( حتى لو كانوا اقارب او معارف )) الدوة هذه جديدة وما شوفتهاش قبل هلبة في الجامعة وكثرت توا مع الاطفال مواليد 88 89 90 91
ما تعرفيش انك لما تركبي مع واحد في سيارة كيف حيشوفولك الناس بعدها (( مش الى ما تعرفيهمش )) حيقل مقدارك قدام الناس بعدين الي يسوا والى ما يسواش يحقله ايوقولك اي كلمة .... سامحيني انقولك تكذبي على روحك لو تحسابي نفسك قاعدة محترمة ...
اكتر من وحدة نعرفها ونعرف عيلتهم او على الاقل خوها ولد عمها نلقاها مع واحد مش عارف حتى كيف شكله وحتى اسلوبه في الدوة غير معقم (( يكتر من حروف الجر والانكليزي اكيد الشباب فهمين ))
قصدي من كل عقلها تمشي معاه تركب معاه وياريت تقعد هكي وتم على خير مرة تلقاه حاضنها زي المخدة ومرة شادين في ايدين بعض (( ما نبوش انخوشوا في جو القبلات ودراه الكبد الى انشوف فيه يومين ))
والى حارقلي دمي موقف صار قدامي اليوم ومع (aj7ab11) بنت كنا انشوفوا فيها محترمة خلوقة مأدبة وفي حالها (صاحتبك يا av.L تلاقينا معاها وراء صالات الهندسة وعلى جية صاحبنا بسيارته طبعا انا شبحتلها على طول وما نزلتش عيني لين دارت الى توقعناه ركبت معاه في السيارة ((طبعا انا شتمتها في سري وبصوت عالى )) لا
ويارت تمت على هكي غطى صاحبنا رواشن السيارة كلها ما نشوفوهمش كنت نبي نمشي ونخبطله على السيارة لكن علاش بنزل من احترامي ونتكلم مع زوز تافهين ....
والله اعلم شن صار بعدها
وقصة التلفونات اسكت سكات _________ اهدا الى (av.L )
نهاية ما فيش ولد معحب ببنت يخليها هكي مهما كان على الاقل العار يكون قدام الناس مش من وراهم (( الناس يقدورا يتلفتوا وماهم بعمي )) ويا حليلك يا سعدون
بناتنا كان اتشوفوا فيها الدنيا هكي (( فيقوا من الوهم الى عايشين فيه )) الحياة مش
فيلم هندي او فيلم مصري او مسلسل تركي
الحياة فيها حاجات مش عترفوها بعيونكم وحتعرفوها بعقلكم لو فكرتوا شوية
وللـ كنت نحكي عليهم بالذات حي عليكم حي ومني انا بالذات لاني انا وقح بطبعي وتوقعوا من اي شيء لانه خلا ص انتم انزلتوا لتحت منسوب سطح البحر..... T **** OFF وعلاش حارق دمي على ناس ما يستهلوش حتى نكتب عليهم ......
وسامحوني (( الكلام مش على كل البنات )) ومعليشي يا ادارة لو الموضوع مش مزبوط وتبوا تلغوه اوكي بس اعطوني علم وخلولي نسخة الله يرحم والديكم .....
![[color=red]بنات الجامعة بالاحمر العريض فيقو من الوهم[/color] Empty](https://2img.net/i/empty.gif)
موضوع: [color=red]بنات الجامعة بالاحمر العريض فيقو من الوهم[/color] ![[color=red]بنات الجامعة بالاحمر العريض فيقو من الوهم[/color] I_icon_minitime](https://2img.net/s/t/10/04/47/i_icon_minitime.gif){kind=icon}
الأحد يونيو 29, 2008 12:38 am
![[color=red]بنات الجامعة بالاحمر العريض فيقو من الوهم[/color] Sjj0](https://2img.net/h/www.gallery.7oob.net/data/media/19/sjj0.gif)
