أنواع الضحكات

موضوع: أنواع الضحكات الجمعة أغسطس 08, 2008 5:12 pm

الـــــضـــــحـــــكـــــات :-

1) هههههههههههه :
صاحب الضحكه هذي ،، وسيع صدر ،، حبوب ،، طيوب ،،بس مجامل بشكل كبير ،، مسالم وعلى نياته ،، دايم مبسوط وبارد ،، اشين شيء انه يضحك احيانا في مواقف غلط !! ،، يعني مواقف حزينه يجيك يضحك يصير ودك ان تصكه باللي معك ،، غبي ،، بس مليح 000

2) (ههههههههههههاي (اهم شيء الياء:
انسان شايف نفسه متكبر ،، ضحكه قليل يقاله ثقل ،، متسلط ويحس بالنقص ،، ثقيل دم ،، احسن طريقه للتعامل مع هيك ناس ،، هو القمع والشكم والتزليب وعدم رفعه من ارضه ،، عشان يعرف ان من تواضع لله رفعه 000

3) هاهاهاهاهاهاها بنفس الترتيب:
انسان مرتب ،، يعني اذا دخلت غرفته ما تلقى فيها عود طايح ،، كل شيء منظم ومرتب حتى الضحكه ،، مثقف ويلبس نظارات 12 بوصه((وش البوصه اصلا!!)) يعني نظرات اكبر من وجهه ،، ما يضحك كثير بس يبتسم واجد ،، شكله كذا يخليك ترتاح له وتشكي له ،، عاده تلقى عنده الحل ،، لو مالقيت الحل اهم شيء ترتاح ،، كتوم هو على فكرة 000

4) نياهاهاها :
انسان شرررير ،، يمووووت في النذاله والشر ،، قمه الوناسه عنده انه يرج ببسي ويعطي احد يفكه له ،، عيونه يطلع منها شرر ،، مركب ضروس ذهب عشان اذا ضحك تلمع وتقهر ازود. احسن طريقه للتعامل مع هالنوعيه هو العمل بالمثل "ابعد عن الشر وغني له" ،، لكن مهما حاولت تبتعد عنه هو بيجيك لانه يموووت ويسوي فيك مقلب ،، لكن انتبه تعطيه فرصه حسرر به ،، لانه لو ما قهر احد يصدع راسه ،، الله يعين اللي حوله عليه 000

4) هههاااهاهااهاهههااههه بالحوسه هذه:
انسان مضيع بمعنى الكلمه ،، يعني لو تساله عن اسمه قال ممكن الاتصال بصديق عشان الموضه يعني ،، اذا مضطر تدخل غرفته ،، افتح الباب من بعيد عشان لا قدر الله وطاح شيء ولاش ،، العلك ما يطيح من فمه ويقعد يمعط فيه بعد يعني يمسك طرف العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه انسان لو تصفق فيه وتهزئه ما درا عنك يحسبك تتكلم عن ولد الجيران ،، الدنيا ما قامت ولا قعدت عنده ،،

5) هه هه هه هه :
انسان متردد ،، يفكر 60 مرره قبل لا يسوي شيء ،، رومانسي ،، يراعي مشاعر الاخرين ،، خدوم يحب يساعد حتى لو ما يقدر يدبرها باللي هوب ،، ان صادفك احد من هالنوع تمسك فيه بيدينك ورجولك لان النوعيه هذي نادره 000

6) كعكعكعكعكعكعكع :
انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب ،، استمد ضحكته من كثر الاكل ،، كريم جدا لحد الاسراف خصوصا اذا كانت السالفه فيها اكل ،، ما يطلع من البيت الا وجيوبه مليانه ،، علب ببسي وفش فاش ((ياقدمي)) اللي يجلس معه بيزيد 5 كيلو/ ساعه اماكنه المفضله : السوبرماركت - المطاعم - اينما تواجد الاكل ،، لكن في نفس الوقت نفسه عزيزه يعني موب مثل اشعب مشفوح ،، كيفيه التعامل مع الاشخاص ،، اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد ،، مع ذلك خفيف دم ووسيع صدر ،، واصدقائه يحبونه حتى لو قطّوا له في عشاء بس اهم شيء يجي معهم 000

7) يقولون فيه ضحكه جديده نازله السوق وهي هعهعهعهعهعهعهعهعهع :
هذي الصراحه ما بعد شملتها دراستي ولكن اعتقد انه ضحكه واحد متقرف وفاضي ويحب الإسراف واللعب

تحياتي لكم

ههههههههههههههه حلوة منك أنت 100/100 صحيت ورد بالك تعلق علي ضحكتي الان حلوة ملقولهاش تفسر لتوا

ههههههههههههه منور يا كاكا
هاهاهاهاهاهاها

مشكورة ايفريل علي الرد
الطيب

هههههههههههههه هذى ضحكتى
اول ضحكة Embarassed

مشكوررررر

حلو الموضوع خليتني نعرف نوع ضحكتي يا كاكا
اني ضحكتي النوع رقم 3
بس انت ضحكتك اما نوع