سلامي عليك بنغازي

سلامي عليك بنغازي
يا حب قلبي يا وطاء الأعزازي

يا الجميله
الي بيك عقلي وهنوته ودليله
طيفك ايزور ف نومتي كل ليله
يطرب احلامي ايودها بأعجازي
ايحيد الحزن والكرب عني ايشيله
ويبقى ايناجي في هواي ايزازي
يقرب مناهل خاطري ويحكيله
ويشرح مقاصد ف الصدر بأيعازي
يسعد منامي في اوقات جميله
تمنيت نومي ايدوم لا قفّازي

يا الحنونه
يا اعجاز ربي في خلايق كونه
سمحه وجمالك حلو باهي لونه
وكل سمح جاور طينتك منحازي
ارقيتي وسكنتي علو مانك دونه
ابقيتي صقر في هامته ركّازي
مانك احدا لابوم لا حبرونه
انتي كما في الطير رانك بازي
ياما عليك اعداء ذاقو الهونه
فاشست ذلو وانجليزي ونازي

ليك سلامي
يا وطن غالي لوعتي به رامي
يا نشوتي يا منيتي وغرامي
يحميك ربي من ظليم وهازي
يحميك ياشوف الوليف السامي
يانبض طيب ف القلب هزازي
ياروح حلوه عشقها دوّامي
الها نغم حالي موعطب نشّازي
تنعش اسبابي اترفها حوّامي
اتخلي كياني بفرحته نقّازي

سلام تحيه
من وسط قلبي ليك موش اشويه
يانور ضاوي ف الوطاء جمليه
ضيك تمادا اوصل ف الحجازي
وخطّّم علي الأردن وفي تركيه
وفي أيران شكّع في جبل الأهوازي
وفات حتى القاره الهنديه
اتقول مد نافع كيف علم الرازي
وحتى العلم احذاك مايجي شيه
لو خيروني ما خطاك انوازي

صحيتي

سبها وين يبان نخلها ندعي من ربي نوصلها

مشكورة

سلام تحيه
من وسط قلبي ليك موش اشويه
يانور ضاوي ف الوطاء جمليه
ضيك تمادا اوصل ف الحجازي
وخطّّم علي الأردن وفي تركيه
وفي أيران شكّع في جبل الأهوازي
وفات حتى القاره الهنديه
اتقول مد نافع كيف علم الرازي
وحتى العلم احذاك مايجي شيه
لو خيروني ما خطاك انوازي


تسلم ايديك على هذا الشعر

كلمات رائعة واروع من كتبتها