ليل وخميس وصيف ... وسيارة عروس امزينه عالكيف
اسباب لوعتي ،،،،
اتزيد اللوعة ... فليل وخميس وصيف يا مردوعة
ويكمل الفرح ودخلته واسبوعه ... ونا حالتي تصعب علي التوصيف
ملوح وفوق افراش في مربوعه ... تقول ساونة ما خشها تكييف
وعندي مطالب فالحياة مشروعة ... بندير فرح لكن ما عرفتش كيف
وعندي القلب مالياسات ناصب نوعه ... وكانهو سمع طاري عريس ايصيف
عليا ايغمن ،،،،،
وين لربعة يا صاحبي يلتمن ... لين الدموع النازاحات ايجمن... وحتي النوم ايصير كيف الضيف
وهموم يجتاحن القلب ايعمن ... وتبقي الحياة والعمر كله زيف ،،
واليــــــوم خميـــس ليــل وصيف !!!
.....................
موضوع: ليل وخميس وصيف 
الأربعاء يوليو 23, 2008 10:04 pm
