الخيانة

هناك من يتواعد هو والمحبوب بالزواج ولكن للأسف بعد مده يبيعه بأرخص الأثمان أم لأجل مال أو لشئ أخر ,,,,
هذا حرك الكثير من الشعراء ومن ضمنهم نصيب السكوري فى قوله

كل من نقول نسيته .... يجيني منام يجيبلي قسميته
وتنوض العين تقولي ثاريته ....بين عليك فاهق عزيز خطاه
يبين الله دعاي في ذريته ..... والله يجعله يقصر علي عشاه
كي ما قصر قسمي علي قسميته .... وكيف ما قهرني بو غثيث سفاه
الحاصل عزيز الله يخرب بيته ... وان كان كل حد رزق علي مولاه
لعنها تربط عليه نهار الميته .... ونجوها نعزوا ونحضروا الصلاه
والعنه مشيول علي النعش وهو ياريته ... قدام الإمام وانا نكون وراه
وانا ما نقول أمين في التصنيته ..... وتنعكس اللي تنقال في دعواه
حرمني غلا مولي الهدوب فليته ,,,,, الله يجعل في النار هو مثواه

منورة

الشعر حلو لكن الدعاء اللى فيه قوى هلبه ........

المسامح كريم.......

علاش القسوه هذا بدل ما يدعي بالخير .......


واللى يحب ما يكرهش....

تقبلو مرورى


المهندسة

مشكورة

شكراااااا ليك علي الشعر الممتاااااز
منورة يا غالية

شعر حلو هلبة
مشكورة