مكالمه شعريه ليبيه

مكالمه ولا في الاحلام

رفعت الهاتف قالتلي
ني نوره
بيه الوطا لعبت
ودارت دوره
قالتلي شن حالك
فاضي زعم والا
غني بعيالك
وارجوك ماتسكرش
وسع بالك
من القلب راني
عاشقه مجبوره
ومعدالي ركب راهو
علي معدالك
حبيتك ونا راني
عليك غيوره
ونبيك تحكي كان
جوك سالك
نترجاك قلبي
بادله بشعوره ،،،
قلت حتي انكاني
غني بعيالي
الا الشرع حلل
باربعه ياغالي
اسمك وصوتك
يرفعن للعالي
عندي طلب منك
تبعتيلي صوره
علي حسب ضني
كي الريم الفالي
عليك السوالف
لاورا مضفوره
وحواجب رقاق
اتقول خط هلالي
والعين سوده
واسعه مغروره
ولو تحددي موعد
انجي طوالي
عيني علي السمحات
ماهي صبوره ،،،
ردت وقالت
فارس احلامي
في الغلا تعجبني
اني عارفاتك زين
ماتسيبني
تي اني موافقه
من غير ماتطلبني
وخوذ عهد ماغيرك
انجي في شوره
اني ليك مشتاقه
وماتعذبني
انتلاقو طياح السمس
في المنصوره
وتوه بنقولك باي
باي يامهبلني
تو نتلاقو ونسللوا
وننسوه العذاب وجوره ،،،،
من بعد السلام عليها
عديت للموعد
امرايف ليها
فتحت الباب وسلمت
بيديها
خادم اسود من
لوحه الصبوره
وشوارب اكبار
الضب يرقد فيها
ايجي زوز كيلو
والميامي عوره
والخشم فوف اخدودها
مغطيها
رولله امقطرن جايه
فدفوره
وشعرها اتقول
جراد لاعب فيها
منسل وما عمره
روي بعطوره
ووين ايدها ع الكتف
خبطت بيها
من نومي قفزت و
حالتي مذعوره
ضهر حلم عيني
ترف من هاالجيهه
مانبي بنات وحالتي
مستوره
قالتلي اني نوره
بيا الوطا لعبت ودارت دوره ، ،