نحساب روحى وصلت

نحساب روحي في الكنين سكنت......ونحساب روحي للحبيب وصلت
يمشي حبيبي لغيري ياناس ماتصورت.....تمنيت روحي فى الحياة ماصرت
رهنت روحي وفى الرهان خسرت


نحساب روحي ساكنة في أفكاره.... ونحساب روحي حلوته فى مراره
تمنيت لو مــــــارمــــــــــاني بناره.... رماني في بير الهجر من بين كل أبياره
وعلى حب ماهو ليا ياناس إنجيرت



نحساب روحي عايشة فى روحه....وماكان عزمي غير دوا لجروحه
تـــمـــيت نبكي ودمــعتي مفتوحه....وبــضحــكته عليا ماعرفت طروحه
وبحبي ليه وقفت وحاولت وصبرت



نحساب روحي قاعدة في حياته....ونحساب روحي ساكنة بضحكاته
جـــــــي غـــيري خــذاه بكل غياته....تعبت على شانه طويت آهــــاته
كسب غيري وبفوزته حزنت

نحساب روحي فى الكنين سكنت.... ونحساب روحي للحبيب وصلت