تحدى الشتاوة والغناوى (اللى يقدر يتحدانى يخش)

هلبة هلبة ياللي غلاك واخد عليا الغلبة.............نحبك ونفخر بيك هلبة هلبة

اهلا بالاعضاء الجدد نورتو الصفحة
تربح يالمرهون افداك الصوب اللى درناه معاك

يامرهون اكثر تفكيري فيك او تفكيرك في غيري
يامرهون تعال انظرهن تواتقول اني قاهرهن
كيف العين انريد انبكي بيهاع لوهام انتكي

avrel كتب:

اهلا بالاعضاء الجدد نورتو الصفحة
تربح يالمرهون افداك الصوب اللى درناه معاك

الجرح جرح واسمه فيه الواعره امعناتاه الوجع

avrel كتب:

اهلا بالاعضاء الجدد نورتو الصفحة
تربح يالمرهون افداك الصوب اللى درناه معاك

الجرح جرح واسمه فيه الواعره امعناتاه الوجع

عقاب اجميرة كنت انقول ********* هزيت كلتني عرض وطول

خليلي اخليبي خان خلاني خلا خاناه الله
تغييرت عزيز امعاي .......بلا اسباب هي ليش دارها
نهارة اوداع عزيز ............عليك يوم موساهل علي
عزيز جاء شيل نار .......متواجه علي قول لاذعك
رجيتك او مارجيت .........وليش يا عزيز اتغربي
كثر دسايسك يا عقل .......ولي هذي تبيلها ابكاء
تبريهن الا املاقاه ........اوخايف ايموتن من الرجاء

عزيز ماخلاطنا فيه غلانا كمل غير با لنظر
عزيز فاتك ياكبد اسمله عليك ان ماقسم
اوما حسبت نار عزيز اتجور نين تبقي هكذي
القسم في عزيز عطيب امعاي نا والغير عاتقه
اجروح ياعزيز غلاك اكبار ماامداوي ايجيبهن

خان غلاي وخنت اوعوده.........وحده في وحده مردوده
خلاص عليكم مانسئل ............العيب الي درتو وصل
عل الخوان خلاص ايسدك.......... ماتبكي شوهتي خدك

امقوي عزومهم لولاف اللي عارضوني فا الغلا
عزمك شديد ياوراي تخريب الغلا ماهي ساهله
ما عمرني طولت ملطوط يوم يومي فا الغلا
همد او شال فيه انظرا عزيز ما مسكنا ارواحنا
اعزاز كو امغير الكبد بليله كلتني نارهم
حظي عطيب في لقسام اللي ماجن فيك ياغني

حتي ابعذر نرضوا بيه .........عزيز ماشغلناه كي ارهن
ازهيتبه عزيز ايام ..........واعتزت فيه لايما اصعب
نرجو ه ياعزيز دناك ............كالي القسم موش بيدنا
غلاهم زها او عذاب .........وخطاهم دواء لكن كدر
مظمونه غلاي ايضيع ........اقاسمه وياسه ازايدن
يا لعين قولك يانا ..ايهون عليك الجرح في اسطرنا والله ايجيبهم ]

تنظر العين لاقدام ......دست ادموع جن في وقتهن

ياجر العين امداعيها ............شور النار تلذع فينا
متاهيم الخاطر والعين .......علي كبرت نار مرهين
بعد قالو ا غاليك جاء ....نزل دمعك من غير ابكاء
راد الله علي العالي ...يوم بلاش او يوم ابغالي

ياريت من بكيت احذاه............. يشهد امعاي ويقول للقدم
ايجيب من اوصاف قديم ........... لحقت جديد عيني الواهمة
اعياط وصريخ وجري ....... في جرت قديم مابا يلتفت
طروك يا قديم خطرت .........جظيت بك وياما بينا
انكان يا قديم الصوب ............امرايف اريافي يشغلك
انضاري بلا القديم ...........او هن امعاه ياما دودشن
العين ع الاقدم اتحوس ........ جاها جديد مابت تقبله

انريد عزم ما نلقاه .......وين يا مراهين تخطروا
متراخي نقول بردت .........مكبورت المراهين جورت
يامرهون وطينا نارك .......لكن صار خطاك اوصارت
جميع اللي صاير للعين ........ اتنق علي عيت مراهين
امرايفين يامرهون .........اتجيني منام لوكان نرقدوا
قلال الهنا مرهون .......خطرت لنوم جاني سابقه
شديد لا كبر لا مات ..طويل عمر ياسي في الغلا

امغير هيت نين انغفي *** وايجي منام ويجيب القدم
سلمت ع الغني فالنوم .... وعيت ليمنه في ليسره
تفسيره ابقطع اقسام *** منامى اللي جاب القدم
فسار المنام ايهاب *** في قولت القدم هالبينك
غفا العقل جاب منام .... اجحده خاف عالعين تنعمى
لوكان غير جيتو حلم ....... موعيت فيه ساعة ياقدم
طيبك منان جيتوا فيه *** ما اوعيت يا اقدم يا ريتني
ياريت ابن درنه ايرد علي عالقديم

تستاهل ابكاء ديمه .......سهرايه غلاكم يا قدم
العقل واخذه القديم .........ميراث ما عطاء والي اذرع
يا القديم جظيظي منك .......نين عويلي قالوا كنك
يحكي ابكم او ناناهيه ......اوحلت فيه عقلي يا قدم
من نار القديم هفت ..........تلذيعها اللي ماعد ابري
مكبوره جديد اعلقت ........تقاوت امعا نار القدم
ع العقل جانيين اثنين ....غوالي قديمين وجدد
يريت المر الجي عل الجرح

برين اجروحنا عالفقد .......وخذينا علي قول ساهله
في اجروح اقواه سيبهن........ كثرن عالدواي هلبهن
...تبكي امعاي العمر لو نشكيلك علي جرح جارحني صعيب دواه.. وان عندك مشاكل قولي نبكيلك خبير فالبكاء عايش العمر امعاه جروح كامدات الروح..
كاسرات العظم.
طارشات الوذن ..
سالات القلب ..
عاميات العين ..
ساحنات الكبد ..
طبيب ما على داهن ايجي .
خايف العقل يجول ... يلقى الجرح ويغيب الدوا
كسكاس من اجروح قديم... امغير يا امداوي انعذبك
مجروح جرح موتي فيه.... اسببه رايات عيني وخاطري
عالحول اجروحي حلوهن...... لقيوهن كي ما خلوهن
طبابة جرحي لقيوني ....متهشم كيف ايداووني
عَزِيْز امْخَلِّف فيّ جْـــــــــــرُوْح ... اكْبار
ويزّابَن عَ الــــــــــــــــــرُّوْح

الجرح جرح واسمه فيه ......الواعره امعناتا الوجع
تجريح وبكاء وسمور ......هذين هن جرايرك يا غلا
تنقض يا مرهون اجروحي .....لو ماني ماسك في روحي
اجروحت الغلا تهليع ........ارطب ايديك يا داوايهن
اخطيتا سطير الجرح .......او ماجيت يا مداوي ع الوجع
طبيبي سفق ليدين .......اجروح كلني يا نالي
ضماد يا عزيز الجرح ......مقسي ايديه موماوي علي
من سطار سطير اجروحي ......متمل حتي في روحي
يا عين قولك يانا ..ايهون عليك الجرح في اسطرنا والله ايجيبهم

خوّانين الله يلعنهم .. انجيبوا غير اللي يقهرهم
ان خان العشرة مايلتام .. عرب خانت حتى صدام

مازلنا كي عهدك بيهن .....يملاء ويفرغ ماقيهن
غايب يا دواي اجروحي ....تميت انكمد في روحي
اللي ما يبكي تخنق فيه .....العبره من فقده غاليه
بعد ولعنا نار غلاه ............عزيز كنسا سيل خطاه
سواك راح انسي الغوالي .....حتي نا ماعندي والي

1.ويا ما بكت بدموع وياما علي لولاف دارت نوع وياما رجت غير الرجا مقطوع العين في الغوالي طايله عازته وياما بكت يومتها واللي ما انجرح جرحها يضحك علي بكيته.......
2.يا ناعلي قتلني.... بشوق خاطري عدا بعد دللني ما سالني بسؤال... علي ما سمي طعني وعدا ما مصيري همه قليل اصل جثماني ترك ما لمه مرمي ابقيت ما لقيت من يدفني.......
3.سمعت البكا فزيت من النوم ثاريتها عيني سمعت ابكاها خاطر عليها زول تحت اغطاها واعدتها بكره اتشوف امناها سكتتها وتميت نبكي نا....
4.مثبوت الخطا يا عين علي قديم ماني ظالمه
5.لو كان يا قديم اتسير يبفي دواك في ايدي انقطمرك
6.كنيبني في قديم انعشم يرخوه من رخاني لجلهم

يصغاليه الا قايس ......جضيضي امعا نار الغني
ذليت من خلاء ليدين .......وصلت عزيز قصرا دارها
طفايك بطي يانار ........اوجاني بعد نوضك علي
تحسابني الا بريان .....يا صاحب الدواء غافل علي
لو كاني القيت ابريت ..........سكينه الغلا ما لها دواء
بكيتن بعد توبه ............ع قديمكن جاكن علل
جميع ما ايداوي الجرح .....لو ايريد يبراء جبتلاء

االقسم في عزيز عطيب .....امعاي نا والغير عاتقه
لطت اقسام ناس نويت ......نلقان ما بعدها كاينه
العين حالفه للعقل ......انعطيك الا في نسوهم
نمشي ارياف للوهام .........ونعاود ابغيضي ممتلي
مفروع يا رحيل غلاي ....خباره خطاء فيك سايره
خلاني امخلا غبر .....ظرا افواهقي غا يب علي
او هو عطيب من غادي .........ثلثه عزيز عقلي واخذه
عواقب الغلا يا سات .......وتسير هذي مي خاطره علي
دواي حاصلين عليه .........غنايا او فينا يمكروا
ذليت من خلاء ليدين .......وصلت عزيز قصر دارها
عزيز مارمي السلام .......علينا وفي اوهاما اطري
ان مر يوم مانك فيه ......ما العمر يا غني ما ينحسب
دنياي يا عزيز بعدك ....لا شمس لا فيها قمر

كل عزيز خذا ماسدا **** من كبدي ياعين وعدا
مازالت كبدي مفروعة **** مابين اللومة واللوعة
من مدة كبدي منفرعة **** عدا كل عزيز بقرعة
كملتي يا كبدي تقسيم **** إمغير الحيل خذاه قديم

وانا في لوهام انسدي .....عمري نين قريب يعدي
عقلي ونظاري ع الغالي .........ما وكل منهن لا والي
منك يا فرقه غالينا .........ما من ليله صارت فينا

دمع العين اللي يظرف .......منك يا مرهون اصرف
دمعك ع لولا ف اربيتي .......قطره ما منا خليتي
نحساب ابكاك علي حالي .......وانتي تنزحي ع الغالي
عيني مزالت عبرتا .......تملا وتفظي دمعتا
كيف العين ع ماقيها ...........ماني عادمتحكم فيها
امغير برمنابك ع الدار ............بكيتي درتي في نهار
كيف الدمع ايجي يجار ا........تعرفني في حومه داره
حتي لو معاد بكيتي ........خلو الدار عليه خذيتي
امخليني ياخلوالدار .......امدورد غير علي لنظار
عقلي والخاطروانظاري .........واخذهن يا سمح الطاري
شلت العين انداوي فيها .........مارديت الا عاميها
قاعد في عقلي يا غالي ........حتي كان غني بعيالي

دون أعزاز اتريد اتعارك ........... غير القل عليها بارك.
امغير اعوينه عندك شك .......... غلانا اطرطش هك وهك.
ايش اللي درنا نا والعين .......... ماوالتم مرهونين.
منهم ما منهم جت منهم ........... خانوا لولاف انظر كنهم.

ايداعك عليك عزيز .......العقل نين من واخذا
انقول حلم ولا علم .....بعد سنين لا قيت جارحي
يا لعين كان فيك ادموع ........كبيهن علي او عا لغلا
امدريس علي واجد .....ولي بي ضيعت الغلا
رجيتا عزيز اسنين .....وردود الكفاء قالي غني

.الدمع ما ايحيد غليل سماحة البكا فيه نوطرة.
العين حاسبت لوقات لقت زمانها مايل بكت.
بالك اليوم اتنوض سديت وانت راقد يا سعد
قيسه مبخوتلنا فللي فاهق شين وراه ايخلي
موش امغير حسوفه نقه فيد الغير قديم اتحقه
اللي فاقد يا ناس غلاه ايجيني نبكي نا وياه
مليت من الحياه والناس الله ونبي يا موت افزعي
عالخرين مطرها زينه مي منحشره غير علينا

راكي ياعين اتجريني ........نمشي لهلي مايبيني
ما راجت نين انوصيها ........شالت صوت علي غاليها
صفق ديه السوال علي ......عرف ما عد يبريني شي
امداد غلا غلا والدي ....عزيز وما دايرلي شي
في لولاف رفعت عيوني ......داووني والله ضروني
لو ما صهد النار الحقنا .......ما نشكو ملي ظايقنا
من غادي مخلوق متاعب ........غير عزيز فراقا صاعب

كمل عمري بين مواهيم ********** جديد مجرحني وقديم


قلنا م المرهون افتكت *********** جت للدار العين وتكت


غاب عزيز جروحة تمن ********** من هك ومن هك يدمن


علي روحي واخذ يا عين ********** انطبب في وحدة واثنين


عندي جو العين مضبب ********** من فاهق مابا يطبب


عمر العين حسايف عدة *********** يوم خصام ويوم مودة

غالي يا مرهون علينا ..........من قبل ادزلنا جينا
جيتا ياعين ع حيلي ........قالولي غالي يوميلي
غلاي مو جديد اليوم ..........البكي شغل التنماي يا قدم
موش جديد اليوم غلانا .......كي شغل التنماي ابكانا
اصعب دناك مو بيدي .........ويا عزيز يا نويرتي علي
اقسام العزيز اصعاب ......ما ايصيرن او نا بيدي غني

ياما عليه شعرنا ...لا قول جابه ولابلاه صبرنا
ياما عليه بكينا...لادمع ينسي ولا عليه سهينا
حتى الغريب فغيبته شاكينا.......لاجل فراقه فالحياة قاهرنا
كملنا دموعنا وبشوقنا راجينا.....
طال صبرنا لين ما عليه قدرنا

يا العين غير ابروع ...شكيبك عليهم والرجاء مقطوع لو لاف القدم
الجرح جرح واسمه فيه .......الواعره امعناتاه الوجع
ليام لا طات امعاي .......مامن شقا جايباتلي

السلام عليكم ورحمت الله وبركاته
والله اعجبت بالتحدي ونويت اشترك
تأخد اليل اسمور ###ابكاء ونوح وخوف ينتسوا

اهلا وسهلا يك التمساح فى التحدى
امعاي اجروحك يا مرهون .. اللي ما ينزف دار اعيون