حوار بين شايب وبنت

مساء الخير
هدا الحوار صار بين شايب وبنت فى احدى التانويات
قال الشايب للبنت
***
درتى خطئ يوما طلبتى صوبى ...وانتى صغيرة فى السن مانك دوبى
شوفى غيرى ...وريضك بلا تعريض فيه اديرى
وخلك على غيرك ايجى تدويرى...واصحى من خطر شارات خط ادروبى
وخودى نصيحة خير من تدبيرى ...ما تقربى نيران لين اذوبى
وراهم اثقال الروزليش اتحيرى ...منحيش ماوطاتك قيس خط اشبوبى
واهم شباب اليوم فيهم غيرى...خطينى ونا بالك على اثوبى
****
ردت عله البنت
***
نا ماريد اعويلة...ولافكرتى نعشق اللى نرعيلة
ولاتلف خلينة انتمو عيلة...وكنك على اطلط فى مكتوبى
ولانحسبك تزعل عناى اتشيلة...تقدم اطلبنى ناانجى فى روبى
ان كان ماعطونى لك هلى...الصوت انهيلة...ويبقن مشاكل هن اسباب ارسوبى
مداعية على شانك بكل وسيلة...وانت بقيت هو حبى وهو مكتوبى
ولازم انام معاك حتى ليلة...غبى وين لو ثمن مداين طوبى
***

رد عليها الشايب
***
ليش اديرى قصة غرامك ...فى لصيف غديرى
ايقابل الساعة العون تلقى غيرى...ونا زاد نلقى اللى مشروبى
غثيت وجمال وطول فوق سريرى...ومضحك وعين وعقل هن مطلوبى
***

المشكلة الشايب وصف البنت ردت عليه
***
ماعليا حيلة...وراه كل شئ زايل وله تبديلة
واللى ينضرك بالعين ماتوميلة ...ايجيك كان ملزومك وهو مزروبى
انتا وصفتنى بوصاف فى ذليلة...واضحة امغير اسمع اردود اسلوبى
بكاى المقابرفاهمة تمويلة...خليتنى عليك انشق فى لهلوبى
وراه الشعر لو قلناه مية ليلة...ميخلصك من شيل حمل اذنوبى
***

رد الشايب عليها
***
ويش اديرى وانتى مرقدك ...فوق ارغان حريرى
ونا امعيشتى طايح على تازيرى...وقاعد ارقع فى شروكة ثوبى
وانتى بنت متعلمة عندك عدد لوغات بنج وسيرى...ونا العلم نحكيلة برمش اهذوبى
فحام حرفتى عايش على تقهيرى ...واخد شهادة نوبل فى مرعوبى
****
وفى الاخير اجوزها الشايب وجاب منها ولد وبنت ومات الحويج الله يرحمه

منوره شيابين أخر زمن منوره

زائر

شكراااااااا يا افريل
منورة علي الشعر

صحيتي اختي ايفريل علي الشعر الرقي