إلي مجاش ليبي فاته جو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


libya
 
الرئيسيةأحدث الصورالتسجيلدخول

 

 اشعار ليبية مية مية

اذهب الى الأسفل 
4 مشترك
كاتب الموضوعرسالة
لميس
اهو قوي
اهو قوي
لميس


عدد الرسائل : 862
تاريخ التسجيل : 01/07/2008

اشعار ليبية مية مية Empty
مُساهمةموضوع: اشعار ليبية مية مية   اشعار ليبية مية مية I_icon_minitimeالجمعة ديسمبر 12, 2008 6:52 pm

السلام عليكم اشعار ليبية مية مية 103


هذا جيل الجو الفــايح قليل ربايح ديمة نص الليل ذوايح
جيل الباهى جيل اللى في الكيكة لاهى
نسيوه بريريد الشاهى و ع المكياطة تما طايح
جيل الراب لا يقرأ و لا يحل كتاب
ديما شاطح دون اسباب و من الدخان خياله سايح
جيل الموضات جيل آخر واحدث طرحات
يتبع في الفيديو كليبات و ماشي في التيار و رايح
جيل فضيحة جيل نوادر آخر صيحة
في الجو مزنح تـزنيحة مع هيفا و روبي سايح
جيل ال ok جيل اللى يحكى بيديه
تتعب و انت تعدل فيه و لا ما تثمر فيه نصايح
جيل التوخيرة جيل يقلد في شاكيرا
و مسكر راسه تسكيرة مقفول و مفتاحه رايح

-------------------------------------------------------------------

عالكرت نملا كرت
من سحر صوتك في الغرام اسكرت
أنا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

-----------------------------------------------------------------

المكياج يا البنات موش حضاره
المكياج جاكم من بلاد نصاره

***
كل يوم فى المزين
فى لبسها تلبس رقيق يبين
لا تستحى من الله لا تدّين
غشيمه ما تعرف الادب و اقداره
وتقول يا وليدى الباسي قنين
موديل راقى عاليات اسعاره

***
البنت فى طلعتها
ع الناس تلقا عارضه زينتها
وتلقا الصنة مفيحه ريحتها
والجسم يتمايل يمين يساره
وتلقاها بطية دوم فى مشيتها
تخلى عقول العاشقين حياره

***
طالعة تسّلى
وفى الفم دارت مستكة تتحلى
والشعر طايح طالقاته كله
والوجه يتلاصف اتقول شرارة ...

--------------------------------------------------------

مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه

---------------------------------------------------------

مانك الا غلطانه...حسك رقيق وشفرتك لبيانا ترنى عقاب الليل

يامريوحه ...ويا قاعده فى الحوش كيف اللوحه...انا عارفه النقال كيف اطروحه
ياكبر خوفى تطلعى شوشانا.

--------------------------------------------------------

يا ما بكيت عليها... وهي زاد تبكي ونا انودع فيها ... يوم السفر

مـاني نـاكــر... بكايا عليها في الصباح الباكر
وهي زاد تبكي ماسكه التذاكر... امنين ما ايديا لامسن ايديها
صار الوداع مغير ماني فاكر... مغمي علينا كل حد في جيهه

يـكـيـت بـحـرقـه ... ونا ف الصعود وفي السلالم نرقى
سيل م الدموع النازفه بالدرقه ... بيدي انكفف غير واحل فيها
الله لاتعودك يا أيام الفرقه ... امجرّب وغيري ما انودّه بيها اشعار ليبية مية مية 12

------------------------------------------------------------

خـلــك مـعــاي حــنــون تكسـب غـلاي وتربـح المليـون
من غير اسئله

تــكــســب حـــبــــي ... وللي تطلبه يبقـي احـداك ملبـي
وانجيـك بالتاكيـد كـي ماتـبـي ... من غيـر قسـوه ياعزيـز اتمـون
انت علتـي وانـت شفـاي وطبـي ... واحلي زهـره مفتحـه فـي الكـون

--------------------------------------------------------

روفي عليا ياامنـاي وحنـي ... صبري كمل مرسولكم مستنـي


روفـــــي بــيا... لي وقت شاقي بغيتك ياابنيـه

امراجي ثلاث اشهور بالعديـه... مرسول منكـم مالفـا طمنـي


روفــــــي قـــولــــي ... كلمه اتخفـف حيرتـي واحمولـي

سواء كانها بالرفـض ولا اقبولـي ... خيـر مـن اقعادي هكذا مستـنـي

---------------------------------------------------------------

لا مكسما لا كيه ... انسي غلاي واتركي يابنيه ... الله والنبي
لامكسما لافلوس ... لامال عندي لا سحر لافانوس
ولا كنز من جدي ظهر مدسوس ... راتب ضمان وما وصل للميه
وانتي الحاله زايطه بفلوس ... تجيبي شقف اسماح للكلية
ونقال فيدك ملك ليك اخصوص ... تكلمي البابا هيا روح بيا
قولي لباتك فاتحيه اخصوص ... يشبحلي ترى تعيين في الشعبيه
وتبقي معايا يامناي عروس ... الفلوس منك والحنان عليا
لامكسما لا كيه ... انسي غلاي واتركي يابنية ... الله والنبي

-------------------------------------------------------------


قالت ام العريس ..
يا أم اشروط اتقول شكاوى ... ياريت ولدنا ماهو غاوى

ام العروس ..
ولدكم ما درنالا شى ... جانا يجري كا الجدي

ام العريس ..
عروسك يا خايل الاباس ... جراده تشعبط ع الساس

ام العروس ..
ها البشوبو الى جبتنا ... كان اتريدنا خودنا

ام العريس ..
لانك عين ولانك جمه ... ولانك من عيله تسما
ياسلم جياب الدبله ...فرح ها العيله المنهبلا
سيقانك سيقان دجاجه... ما جيناك الا من العازه

ام العروس ..
ولدكم بو كرعين اكبار ... جانا يجرى كا الحمار

ام العريس ..
بو عين كبيره فلا ته ... لو ماجاها راهى جاته اشعار ليبية مية مية 24

------------------------------------------------------------------------------

مش هكا تكون الليبيه ... بنت الاجواد انكان تنشد فيا
سود الميامى وبالسواد سفيا ... ام الخــدود امورده دهنيــه
فيها محاسن واضحه وجليه ... بيض القلوب و صافيات النيه
حلوه وجميله وكلها حنيه ... كريمه عطوفه من العظيم هديه
تستر البيت امربيه ذريه ... تكرم الضيف انجاك وان الجيه
فى طاعة المولى و زاد رضيه ... تعرف الله وعاشقه فـ نبيه

---------------------------------------------------------------------------

مرات نحمل في احموله الزايله ...
ومرات حتي الجرد نوحل فيه ...
ومرات نذهب في الضحا والقايله ...
ومرات حتي الليل نخبر فيه ...
ومرات نفرح والمدامع سايله ...
ومرات حتي العيد نبكي فيه ...
ومرات اثقل ثقل نقعد شايله ...
ومرات حتي حمل الريش نعجز فيه ...
ومرات ننسي اجروحي الغايره ...
و نشقي بجرح الرفيق ونداويه

-----------------------------------------------------

فـي شـارع الـمـدار زاد قهـرنـي ...
وين ما خطم احداي مـا عبرنـي .

زاد جـنونــي ...
ونزلـن بـلا رادات دمـع عيـونـي
وهـو بالمواجـع كاويـه مكنـونـي
نصـبـر علـيـه والله بيصـبـرنـي
وشيـط النـار اليـوم فـي كانونـي
علـى جمـر هافـي يريدهـا تاكلنـي
اللي قبل كنت انقـول ضـي عيونـي
علـى مـر كاسـه هواللـي جابرنـي

------------------------------------------------

يــابــعــيــد الــجـــوبـــه ...
معاي نار تكبر دايره لهلوبه ... وصلني جوابك .

قــريـت كـلامـه ...
مالسـطـر لــول لاعـقـاب سـلامـه
كـلام بعـدهـا ناعـشـت فــي دوامــه
وايـام ماضيـه مالعمـر مـي محسـوبـه



يــابـــعـــيـــدالـــديـــره
عايـش علـي ذكـراك سمـح السـيـره
والعقـل مـن فـرقـاك حـايـر حـيـره
نــاوي يـتـوب ومـاقـدر عالتـوبـه



يــابــعــيــد الــســـاكـــن ...
عالبـعـد والهـجـران حـبـك مـاكـن
ويـن مانويـت انديـر عــزم بـلاكـم
جميـع المنـاضـر شفتـهـن مقلـوبـه .

---------------------------------------------------------

وانشاء الله تعجبكم انرجي في ردودكم اشعار ليبية مية مية 5
الرجوع الى أعلى الصفحة اذهب الى الأسفل
avrel
قوي عليكم
قوي عليكم
avrel


عدد الرسائل : 1778
العمر : 33
المزاج : The atmosphere
تاريخ التسجيل : 26/06/2008

اشعار ليبية مية مية Empty
مُساهمةموضوع: رد: اشعار ليبية مية مية   اشعار ليبية مية مية I_icon_minitimeالجمعة ديسمبر 12, 2008 11:11 pm

المكياج يا البنات موش حضاره
المكياج جاكم من بلاد نصاره

مشكورة اشعار قوية
الرجوع الى أعلى الصفحة اذهب الى الأسفل
AMIRA+EMAD

AMIRA+EMAD


عدد الرسائل : 56
العمر : 34
المزاج : عادي
تاريخ التسجيل : 02/12/2008

اشعار ليبية مية مية Empty
مُساهمةموضوع: رد: اشعار ليبية مية مية   اشعار ليبية مية مية I_icon_minitimeالسبت ديسمبر 13, 2008 12:52 am

مشاء الله حلوات الاشعار....... منورة cheers
الرجوع الى أعلى الصفحة اذهب الى الأسفل
http://www.gameoutover.com
cute_here
قوي
قوي
cute_here


عدد الرسائل : 1109
الموقع : ليبيااااااااااا
المزاج : مكسدة الحكاية
تاريخ التسجيل : 14/09/2008

اشعار ليبية مية مية Empty
مُساهمةموضوع: رد: اشعار ليبية مية مية   اشعار ليبية مية مية I_icon_minitimeالسبت ديسمبر 13, 2008 1:44 am

اشعااااااااااار تهبل مش عادية بكل
منورة عليهم يالميس Cool
الرجوع الى أعلى الصفحة اذهب الى الأسفل
لميس
اهو قوي
اهو قوي
لميس


عدد الرسائل : 862
تاريخ التسجيل : 01/07/2008

اشعار ليبية مية مية Empty
مُساهمةموضوع: رد: اشعار ليبية مية مية   اشعار ليبية مية مية I_icon_minitimeالسبت ديسمبر 13, 2008 1:00 pm

مشكورين على مروركم
الرجوع الى أعلى الصفحة اذهب الى الأسفل
 
اشعار ليبية مية مية
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
إلي مجاش ليبي فاته جو :: أدبيات :: أشعارليبيه-
انتقل الى: